Kastriot Skënderaj

Kastriot Skënderaj

Drejtori i Drejtorisë Vendore të Policisë Tiranë, Drejtues i Parë Kastriot Skënderaj, u lind më 10 shkurt 1967 në qytetin e Fierit. Është i martuar dhe babai i një fëmije.

Është diplomuar “Specialist i Lartë Policie” pasi përfundoi studimet në Shkollën e Larte të Policisë në Ministrinë e Brendshme.

Në periudhën kohore nga viti 1985 deri në vitin 1989, ka ndjekur studimet në Shkollën e Lartë në Ministrinë e Brendshme.

Gjatë karrierës së tij, formimi  akademik plotësohet me një sërë kursesh trajnimi brenda dhe jashtë vendit si në Kroaci, Itali, Turqi, Mal i Zi, Maqedoni, Hungari dhe Akademinë e Sigurisë, Tiranë, të organizuara nga PAMECA dhe ICITAP.

Z. Skënderaj ka eksperiencë prej 28 vitesh si oficer karriere në Policinë e Shtetit.

Është njohës i mirë i gjuhës Angleze.

Karriera e tij profesionale fillon si Oficer i Policisë Kriminale në Tepelenë (1989-1991)

  • Në vitin 1991 është emëruar shef i Policisë Kriminale në Tepelenë
  • Në vitin 1995 është emëruar shef i Policisë Kriminale në Komisariatin e Policisë Fier
  • Në vitin 1998 është emëruar shef i Policisë Kriminale në Komisariatin e Policisë Gjirokastër.
  • Në vitin 2001 është emëruar shef Sektori i Policisë Kriminale në Komisariatin e Policisë Lushnjë
  • Në vitin 2002 është emëruar Specialist Kundër Krimit të Organizuar pranë Prokurorisë së Përgjithshme
  • Në vitet 2003-2004 është emëruar shef Komisariati në qytetin e Pogradecit
  • Në vitet 2004-2005 është emëruar Drejtor i Drejtorisë Vendore të Policisë Korçë.
  • Në vitet 2005-2012 është emëruar Specialist në Drejtorinë Kundër Krimeve të Rënda dhe Krimit të Organizuar në Drejtorinë e Përgjithshme të Policisë të Shtetit
  • Në vitin 2012 është emëruar shef Komisariati në qytetin e Sarandës
  • Në vitet 2013-2014 ka mbajtur detyrën e Drejtorit të Drejtorisë Vendore të Policisë Vlorë
  • Në vitin 2014, z. Skënderaj ka mbajtur pozicionin e Drejtorit të Drejtorisë Vendore të Policisë Gjirokastër
  • Në vitet 2015-2018, zoti Skënderaj ka qenë në detyrën e Drejtorit të Drejtorisë Vendore të Kufirit Tiranë.

Në muajin Shkurt të vitit 2018, është emëruar në detyrën Drejtor i Drejtorisë Vendore të Policisë Tiranë.